Happy篇

日常我會叫Happy做Pee Pee，阿Pee, 細佬或者合皮，
 任何形式叫他，只要他心情好，都會用眼神做回應。

  ^ Happy第一日到我家的照片 

Happy出生於大家庭，來了我家總算不過不失吧， 
家中有大哥叮噹，兔兔多多和毛毛陪他成長，不愁寂寂！

古板叮噹怕煩，選擇逃避... 當時的Happy體型跟兔兔相約，
所以相當投緣，加上兔兄弟視Happy為兔B看待， 
間接把Happy寵壞了，已是頑童的他，更變相做了小霸王
 

 

^ Happy已學懂洗身，不用我粗心

 ^ 自己也可以玩上一整日

  ^ 兔兔沒因小霸王經常打擾而討厭Happy (這照片是我最喜愛之一)

^ 橙床依舊，猫猫...長大了

^ 不知從何時，Happy的鼻子由黑色變了橙色

^ 正在跳芭蕾舞 :P

其間領養 (小魚兒) 妹妹，小朋友們並不抗拒，
 Happy仔更做好PR本份；但好景不常，妹妹的離去，令Happy仔得了情緒病... 
只有用手餵食，膠針筒餵飲水才能令他有安全感... 

直至領養了小Lulu，Happy仔有了很大的轉變，
雖然沒有令他回復以往用碗進食和飲水，但情緒上明顯是開心了，更胖了少許。

^ 這是他最愛的姿勢之一 

阿Pee十分緊張Lulu，知道我搵阿Lu，
就算正在熟睡的他，都會主動幫忙；阿Lu犯錯，他會阻撓我教訓百厭妹...  
所以，如有男生向阿Lu示愛，就要通過Pee Pee這一關啊 ^～^ 

Happy開心了，但飲食習慣依然，無他，只要他用眼神或用他的BB聲叫我，
已經令我投晒降，繼續做好猫奴本份！

^  Happy愛反手而睡 

唔好以為阿Pee無脾氣，只要他用柔情的眼神望著我，即是他有要求了... 
通常這個時候最容易令他發'忟憎'；最重要的當然俾餅佢食，
每次都要估他食邊隻味道，因為他有三種不同味道的乾乾，
估唔中會即時走猫，頭也不回 T_T...

再跟住佢，食哩隻？哩隻呢... 可能我都估錯了，他即時發大舊氣，
用後腳企起，兩手拍打我大脾，又再估過... 

^ 也愛反肚仔跟周公子傾計計

講Happy, 有三張相唔可以唔出，就係：

^ Happy的摺耳父親大人（身旁的是細佬／妹)

^ Happy的靚靚娘親

 ^ 還有這位... 大阿哥... 我叫他做二世祖 :p

我對Happy係用'縱'的態度，不是因為佢係長毛猫，
是因為佢嘅性格跟我以前的17歲猫猫 (仔仔) 很相似， 
開心時會四腳沿地印下印下加上尾巴直直的在震動、
碗內的乾糧有空隙時，會叫我填個飽滿...

Happy的小動作只是偶而的巧合，不足令我聯想到係仔仔。

記得仔仔 (發音是灣仔的仔) 離去時，我同佢講，
你返嚟時一定要重投我的懷抱，我要永遠永遠的繼續愛你... 
你來臨時，記得俾個提示我。

有次帶Happy做Body Check, 我問起前主人他的出生日期，
這個巧合真的令我呆了... 
仔仔走時係新曆4月4日，農曆的清明節， 
Happy出生正是相隔四年後的同月同日&同是清明節！

^ Happy與娘親  ::ee5169